مالا راك داير البراد في 17° ومتغطي بالكوات وراقد وفرحان 😒 ارواح نفهم حاجة برك ✅ كي دير المبرد في Cool mode وديرو في الدرجة 17 وغيرها من الدرجات لي نديروها في جهاز التحكم هي درجة حرارة الغرفة لي نطلبوها من المكيف يعني المكيف يبقى يعمل حتى تولي درجة حرارة الغرفة 17° وهو امر تقريبا مستحيل في الصيف مع نقص الكهرباء والانقطاعات والضغطة يبقى المبرد يعمل دون توقف حتى توصل للدرجة المطلوبة معناها استهلاك كبير تاع كهرباء ❌ بالعكس بالنسبة لدرجة حرارة 25 مثلا ... المبرد تاعنا راح يخدم حتى تولي درجة حرارة الغرفة 25 ويتوقف ويعاود يخدم كل ما تطلع درجة الحرارة على 25° ! هنا مايستهلكش بزاف لأنو 25 قريب وماهيش مجهدة كيما 17 ✅ اما درجة حرارة البرودة الخارجة من المبرد فهي نفسها لا تتغير بتغيير الحرارة المطلوبة بجهاز التحكم يعني من 16 الى 31 المكيف يعطي نفس البرودة ، كل ما تكون درجة الحرارة كبيرة راح يخدم وقت صغير ويحبس كل ما تكون صغيرة راح يخدم وقت كبير ويستهلك كهرباء أكثر. هذا شرح مبسط جداً باش الجميع يفهم ويستفاد ، شكرا 👋🏻