♡🌺🎀•┈┈┈┈٠٠٠•✿•٠٠٠┈┈┈┈•🎀🌺♡ ⤾..⊹ يوم القيامة ستسأل عن أربع🎀 أولا: عمرك فيما أفنيته وقتك لي راكي تضيعي فيه من مسلسل لمسلسل مينداك تضربي حتى ب4 سوايع وضلي فل فيس طالعة هابطة بلا فايدة في بلاصت تتعلمي دينك تطوري من ذاتك تدخلي في دورات تقراي حتى ولو صفحة من قراءن فل يوم🎀 ثانيًا: علمه ماذا عمل به؟ تعرفي الأحكام؟تحضري دروس تسمعي المواعظ؟ومع ذلك... ما تطبقي والو؟تعرفي الغيبة حرام، وتزيدي تغتابي!تعرفي الصلاة فـ وقتها، احب اعمال الى الله ولها عقوبات وتماطلي! تعرفي الحجاب فرض، وتتحججي!راه العلم ماشي للزينة! يوم القيامة ربي ما يسقسيك شحال تعرفي، يسقسيك: واش درتي باللي تعرفيه؟ نصيحة: ملي تسمعي معلومة دينية، قولي مع نفسك: "هذي حجة عليّا، لازم نطبّق قبل ما نتحاسب."معلومة كي متكونيش عارفتها الله غالب معذورة عليها ولكن كي يرجع عندك علم سوف تسألين عنها فانتبهي 🎀 ثالثًا: عن مالك… منين جبتيه وفين صرفتيه؟ شوفـي، ربي ماشي غير يسقسيك:"وين صرفتي دراهمك؟"بل حتى: "منين جبتيهم؟" خدمتي بالحلال؟ ولا من الغش،الكذب، الربا، ولا معاصي؟ وبعدها: صرفتيهم على واش؟ على المظاهر، والخروج، والترف؟ ولا صدقات، ودورات، ووالديك، وناس محتاجين؟ كل دينار راح تتحاسبي عليه… منين جا؟ وفين راح؟ متقوليش معنديش ولا على دراهم لي عندي قادرة 100 دج تشري باطة حلوى وتقسميها ولا تستهيني لاتعلمي اي عمل يدخلك الجنة 🎀 رابعًا: عن جسدك… فيمَ أبليتِه؟ شبابك، صحتك، قوتك… وين راحوا؟ استعملتي جسمك فطاعة ربي؟ ولا ضيّعتيه في السهر، الكسل، المعاصي، وضياع الوقت؟ عينك وين تشوف؟ لسانك واش يقول؟ رجليك وين تمشي؟ يديك واش تدير؟ جسمك أمانة… وكل عضو راح يشهد عليك يوم القيامة. > ﴿يوم تشهد عليهم ألسنتهم وأيديهم وأرجلهم بما كانوا يعملون﴾ [سورة النور: 24]🎀