اليوم بغيت نحكيلكم على قيام الليل وبغينهدرلكم بالدارجـة باه تفهموني اكثر وتـعم الفائدة 🌸 ولي يتـجاهل الموضوع ضاعت عليه حاجة في الـدنيا، شوفو لبنات كامل عندكم حلم وبـاغيين يتحقق ومـكاش لي معندهاش حاجة في راسها ومستنـية غير وقـتاش تتحققلـكم عـليها حبيت نـسلط الضوء على هذا الموضوع وبالأخص الثلث الأخير من اللّـيل 🌸 شوفي قيام اللّيل يبـدا من بعد صلاة العشاء حتى الأذان الأول هذا الوقت كامل تقدري ديري فيه قيام اللّـيل ، مي من الاحسن قيام اللّـيل يكون في الثـلث الأخير لأنه اعظم وقت ، انا عن نفسي نصلي بساعة قبل صلاة الفجر لأنو في ثلث اللّـيل الأخير يهبط ربي للـسماء الدنيا ويبدا يقول: [ هل من عبد يدعوني استجيب له هل من سائل يسألني فأعطيه هل من مستغفر يستغفرني اغفر له ] قال رسول اللّٰـه ﷺ دعاء السحر اقوى من سحر السحر هو ثلث اللّـيل الأخير من اللّـيل كي تكوني ديما تنوضي ديري القيام في الثلث الأخير من اللّـيل ، الملائكة توالـف تشوف نور فوق داركم و الـنهار لي ماتنوضيش تصلي تولي الملائڪـة متحيرة عليك وتولي غير تدعيلك ، يارب إذا راهي مريضة شافيها وإذا راهي مهمومة فرج عليها تقعد غير تدعيلك 🌸 قيام اللّـيل ربي قالنا شحال ماقدرتو تصلوا صلّوا ، مقالناش صلّوا 1000 ركعة باه تسمى قيام الليل ، لالا قالنا كيما بغيتو المهم تصلو بزوج وتسلمي حتى تكملي شحال باغية 2 ولا 4 ولا 6 ولا 8 ولا 10 ولا 12 انتي ومقدورك ...الخ