تعلّم تتحكم في روحك ، مام في وقت الزعاف شد فمك واسكت ، وإذا رديت رد بأدب وخلي مستواك لفوق ابقى إنسان متربي خلي الناس يقولو الله يرحم من رباه .

وماتخلطش بزااف وأجبد روحك وتجنب الجدالات الفراغات والناس الفارغة وركز على روحك صاحبي وأبقى متواضع وتسعى للخير .

تهلى ف والديك وديما أدعي ربي يجعلك من البارين بيهم ، أنك تكون إنسان بار والديك والله الدنيا وما فيها ، زوجتك صاحبي تهلى فيها بزاف وساعفوا بعضاكم وحتى هي تتهلى فيك كي تشوف رب الأسرة إنسان محترم ومتربي.

وهذا ماكان صاحبي حابك تكون إنسان رزين ومتربي ويوزن كلامو إنسان مسؤول ونتاع مواقف ، إنسان صاحب أخلاق