صابلي معجون يذوب فلفم 🥰💯. 250 غ زبدة طرية كاس سكر قلاص 4 ملاعق كبار مايزينة معطر فانيليااا حبة بيض 2 صفار بيض ملعقة صغيرة خميرة حليوياات نوارة ملعقة صغيرة لفاني 4 ملاعق كبيرة زيت طريقة التحضير⁦❤️⁩ في إناء نخلط زبدة مع كاس سكر قلاص مع بيض نخلط مليح غير بيدي تم نضيف 4 ملاعق كبار مايزينة نضيف عليهم ملعقة صغيرة لفاني و نضيف الزيت نخلط او نضيف فرينة مع ملعقة صغيرة خميرة حليوياات نلمها بلفرينة خليها طرية شوية خليها فتلاجة مدة 10 دقائق او افتحيها على كيس بلاستيكي باش متلصقش او نشكلها بلمول او نديرها فسنيوة تكوني درتي فيها ورق الطهي او ديريها طيب على نار هادئة كي يطيبو خليهم يبردو او لسقيهم بلمعجون تكوني ضفتيلو معطر الفرولة او تزيين اختياري بصحتكم 😍 ملاحظة هاد الكمية ديرلك 30 حبة باش صابلي يجيك يذوب فلفم 🥰 لازم لعجينة. تاعك تخليها طرية او تخليها تريح مدة 10'دقايق او العجينة تاعك غطيها باش متنشفش ايدا حابة اكتر من 30 حبة صابلي ديري 500 غ زبدة ماشي 250 او بصحتكم 😍 حبوباتي بنسبة بلمعجون انا نزيدلو معطر فرولة 🍓 يجي بزاف بنين او زيد صابلي تاعك يولي يريح بنين 😋 كيما نعرفو صابلي ميطولش فطياب قيسما ينشف صابلي باش يجي طري او يذوب فلفم متيبسيش لعجينة تاعك خليها طرية او زيد زبدة لازم تكون طرية ايدا كانت باردة ولا يابسة مرحش يجي مليح باش سكر قلاص ميتنحاش من صابلي تاعك شفتي قبل متلسقيه رشيه او هو سخون رشيه بسكر قلاص رح يلسق فصابلي تاعك او حتى يبرد مليح باش تلسقيه بلمعجون باش يشد روحو و زيني بخطوط الشوكولا تبعو الخطوات لي قتلكم عليها او رح يجيكم اروع صابلي جربوه وبصحة وعافية