مكانش إنسان يهدر عليك ولا يجمع بيك ولا يحوس يأذيك ولا يحوس يوسخڪ إلا اذا كنتي عندو سوجي مهم يعني سوجي جد الأهمية راكي غابناته في حياته الله غالب باسكو قدامڪ مايقابلكش في وجهك كي يقابلك مايڨولهالكش بصح فالجماعة يهدر فيك فرحي انا نفرح كي نشوف ناس تهدر فيا و تمعني عليا قسما بالله غير نفرح هدرتهم ماعندها قيمة ؟ انتقاداتهم تافهة ؟ قلوبهم مريضة ؟
أرميهم للابوبال خيتي القفازة لي قافزينها فالهدرة و دعاوي شر و التيكيات الفارغين لي يديروهم فالناس روحو نقيو رواحكم من البغض و نميمة و الوسخ لي في قلوبكم، شابة و حلوة عميرتي باينة يغيرو منك نيتڪ تسلكك من الخبث تاعهم .

ما تكسري راسك معاهم ما تبرري ، مهم نتي اربحي راحة بالك. لوڪان جات هدرة ناس فيها الخير تكون مڨالش ربي (قل أعوذ برب الناس) قتليهم بسكاتك و خليهم يموتو ديريهم آخر همك فالدنيا عميرتي أرمي سلعة فاسدة عليك. 🩷

- انا وحدةة من الناس مڪانش عباالي بيها أقرااو

البارح قاعدة ندور في اليوتيوب حتى خرجلي فيديو على "الڪبائر" دخلت نتفرجو و بدا يذڪر فيهم وحدة وحدة حتى وصل ل " قتل النفس المادي و المعنوي" بيني و بين نفسي قلت وش هذا المعنوي ووش دخلوا في الڪبائر...؟!
رحت نحوس عليه حتى لقيتهم يحڪيو عليه و قال بلي قتل النفس المعنوي معناها ڪي تنقص من شخص و لا طيح بيه و تخليه يحس روحو ناقص و بلا فايدة مثلا وحدة تقول لبنتها ࢪاڪي سمينة يااسرر و فيڪ و عليڪ ووو.. حتى تڪره روحها و لا طفلة تقول لصحبتها مافيڪ حتى فايدة و ماڪيش شابةة و هذي ماتصلحلڪش و هاديڪ ماتجيڪش شابة و هڪذا.. و راجل يقول لمرتو لاه وش درتي نتي؟
و أصلا فيڪ و فيڪ حتى تڪره روحها و تڪره معيشتها بالمصطلح الجديد نقول عليهم "توڪسيك رولايشن"
علاقة سامة بصح ماحيرتنيش هنا قد ما حيرتني بلي ڪبيرة!
مع الشࢪڪ و الزنا و العقوق و الربا! هذيڪ الڪلمات العادية او لنشوفوها حنا عادية هي قتل نفس!
يعني روحو قاعدة تموت!
و تحسبونه هين و هو عند الله عظيم..
ربي يغفࢪلنا آجمعين ربي يغفرلنا اذا خلينا عبد يموت وهو حي...!

مش عيب ڪي يڪون هو معندوش دࢪاهم ولا على قد حالو في جيبو غيࢪ عشࢪين الف هڪاڪ و ࢪاح يشࢪيلڪ بـيها يالوڪان شيء بسيط ومـا تحـشميش بيه ومشي عيب ڪي يڪون مشي شباب وتحشمي بيه قدام صحباتڪ يـاڪ نتي تـسـتحقي تصࢪفاتو تحوسي على معاملتو ليڪ ڪي تلقايه سند ليڪ وشخص صالح ويحبڪ ميهمش زيـטּ اغلبيتڪم تحوسو على نقطة زيـטּ يـاڪ زيـטּ لـنـسا بـصح ڪي يڪون عندڪ انساטּ يحبڪ ويحتاࢪمڪ ودايـࢪ لـيڪ قيمة ميهمش ࢪأي ناس نتي لـي ࢪاح تعيشي معاه مش هوما ايـا خـمي فيها ومتخسࢪيش انساטּ ࢪايح يڪون سند ليڪ فـي مستقبل

نقص من reels ، يضروك والله

و ماتنساش منين ذاك تخير عضو من جسم الإنسان و تحوس عليه في الYouTube فيزيولوجيا و ترفد عليه معلومات ، صدقني غير متعة لا تصدق ، تخليك توحد الخالق و تستحضر الآية الكريمة ( وَفِي أَنفُسِكُمْ ۚ أَفَلَا تُبْصِرُونَ )

• نهاࢪ تولي تصࢪف من جيبڪ"و تخلص التࢪيسيتي و الماء وتحوس على أࢪخص سعࢪ و تحسب لحساب للشهࢪ الجاي" وقتها تعࢪف علاه ڪان باباڪ يسڪت ويبقى قاعد وحدو ڪل عشية..

رجال تتشبه بنساء وتلبس لبسة مخلة بالحياء هي كي خممت فلموضوع وحوست على سبب لقيت انو شباب بدات تتشبه بنساء باه طفلة تشوفو راجل ويعجبها وڪاين سبب ثاني لي هو ضعف شخصية وتشبه بلغرب تقريبا سبب ثاني هو سبب ࢪئيسي لي اثࢪ على كلا جنسين، ڪاين بزاف ناس تقولك هادي حضاࢪة ولازم نتبعوها مفيها والو وڪاين قلة قليلة لي فاقت بلي هذا تدهوࢪ فڪࢪي وديني بشڪل عام. ضك نت كي تروح تحفف علاه دير ديك تحفيفة لي مهيش كامل تحفيفة ويزيد ليسوࢪ... والخ، وتروح تشري سروال تجيبوا مقطع و.... و... و، باه زعما نت تبان ࢪاجل قدام لبنات ونساء رجال وين كان تجمع تاع بنات بيسك تفڪيࢪ غࢪبي مشى فعقلوا وفي عقل لبنات لي حاب يكون راجل قدامهم هي كي تشوفو هكك تبدا ديرلوا صوالح وتجذب فيه حتى يحس بلي واش راه يديࢪ صح ومهوش غالط هذا شي انو طفلة هديك ولا بنت تحسها هي تاني عادي بيسك مكانش لي علمها راجل حقيقي كيفاه دايࢪ لانو والدين مهم يصنحوهم وتان حاجة وسائل تواصل هادو ضك مࢪاة ولا راجل يروح للتليفون يلقا غير هذا نووع ويروح لتلفاز تاني هكك يولي يحسها حاجة عادية بزاف، نفتارضوا انو زوج من هادو انواع نجيبوا راجل يدير هاد صوالح ومراة وتحب هاد صوالح لط يحبهم راجل وونزوجوهم مدة يجبوا دراري ياك نقولوا جابوا طفلة طفلة هادي راح تبع والديها فكلش واذا جابوا طفل تاني هكك والله هذا حاجةة اذا فات مشات في عقلنا والله واحد مراح يقدر يبدلها، لازم هنا نحبسوا هاد حاجة حنا لازم نرجعوا لاصلنا حنا مناش غࢪب انا مسلمين افهموا هاد حاجة ربي عطاه دنيا وحنا عطانا اخࢪة سما غير متبعهمش راهم غارقين فلشهوات وملذات دنيا فانية تبع طريق ربي تنجح ارجع لاصلك رجووع لاصلك فضلية ماشي تخلف اذا راك متزوج فهم ولادك هادا صوالح واذا راڪ اخ فهم خاوتك وخوتاتك هاد حاجة مهم كلكم لازم يشارك فهاد حاجة بلاك نرجعوا لاصلنا والله

السلام عليكم راني نحوس علي هاذا دواء ملقتوش لي يعرف وين يتباع قولي

نحوس على صديقة نتعرفو