أستاذ رياضيات حكى قصة من أغرب ما صرا معاه فحياتو... قال: 🔹 كنت ندور بين التلاميذ ونصحّحلهم فالكراريس وعندي سبحة دايمًا فجيبي، نحوس بيها راسي... وأنا واقف نصحّح، حسّيت السبحة تتحرك! التفت... شكون؟ واحد التلميذ، يضحكلي ويلعب بالسبحة بهدوء. ماقلت والو، خرجتها من جيبي، حطيتها فوق الطاولة... وكملت شرح الحصة. 🔔 وقت الاستراحة قرب، قلتلهم حضرو رواحكم يخرجوا... شفت نفس التلميذ، ماسك السبحة بين يديه بقوة، ويشم فيها!!! رنّ الجرس، خرجو كامل التلاميذ... بقى هو وحدو، ساكت. ✋ الأستاذ قال: "قلقتني حالتو، قلبه شاغلو حاجة، أو حاسس بفراغ كبير." وشوية؟ جا لعندو وقاللو: 👦: "بابا... عفواً... أستاذ، سبحتك." وعطاه السبحة بكل حب... الأستاذ قال: "مديتلو يدي باش ندي السبحة، قالي: أنا نحبك بزاف يا أستاذ ❤️" ومن بعد هرب يجري وخرج... الأستاذ بقى مذهول، وقلبو موش مرتاح..راح للمدير، طلب يشوف ملف التلميذ. 📂 المدير عطاه الملف، قراه... والصدمة؟ 👨‍👦 التلميذ يتيم... باباه توفى قبل ما تبدا الدراسة بـ10 أيام فقط. وكان يحب الأستاذ يعوّضلو باباه... الأستاذ قال: "من ذاك النهار وليت نرعاه كي وليدي: نشريلو لوازمو، نحفّزو، وصيت عليه كل الأساتذة... وكنت حريص عليه بزاف." 🧒 وفي نهار، جا يبكي لغرفة الأساتذة... "أستاذ، زميلي ضربني، ودا لي أدواتي... وكانو فالفرنسية." مشا معاه الأستاذ وشاف التلميذ الآخر، لقاه حادر راسو، ساكت... رجع الأدوات، وقال: "سمحلي يا خويا..." وحسن؟ سمحلو ❤️ 👨‍🎓 الطفل هذا، اسمو حسن، واليوم راهو يقرى فـ السنة الرابعة في جامعة ابن زهر! الأستاذ قال: > "حسن علّمني معنى التربية، مشي بالدرس، بل بالحياة. بدل نظرتي للتلاميذ، وخلاني نحبهم كيما نحب أولادي. شكراً يا حسن... عمري ماننساك 💌" ⚠️ العبرة: كلمة "يا بابا" خرجت من قلب يتيم... دخلت لقلب معلم، وزرعت فيه إنسان جديد. بركا من القساوة، ولّينا نشوفو التلاميذ كأرقام... بصح كل واحد عندو حكاية، وجرح، وأمل. شارك القصة... وخليها توصل لأكبر عدد من الأساتذة والآباء ❤️ #قصة_واقعية

📖في زمان ما... كانو العرب يسكنو فالصحراء، يتنقلو من بلاصة لبلاصة على حساب العشب والماء، واللي يرعى أكثر هو اللي يهاجر أكثر. 🔸 وسط هاذ العرب، كان راجل عندو يمّا كبيرة فالسن، ما عندهاش غيرو، وهو ولدها الوحيد. بسبب كبر سنها، كانت مرات تنسى، تخرف، تهدر في كلام ما فيه معنى... وكانت تلحقها تخمّم فيه وتعيّط عليه، ما تحبوش يغيب على عينيها لحظة! بصح هو؟! كان يتقلّق منها... ويشوف بلي تخريفها يحرجو قدام الناس! 😔وفي نهار، حبّو الناس يرحلو لمكان جديد. قال لمرتو: 🧔 "غدوة كي نرحلو، خليهالي هنا... عطيلها شوية زاد وماء، خلوها لمصيرها! يا يجي حد يا تموت..." 🧕 الزوجة قالتلو: "خلاص، كيما تحب." 🌄 ثاني نهار، شدّو الرحيل... ومرتو خلات يمّو فمكانها... لكن؟ 😏 خلات معاها ولدهم الصغير اللي ما عندوش حتى عام، وراه محبوب باباه فوق ما تتصوّر! 🔥 نص النهار، وقفو العرب يرتاحو، وكل واحد جلس مع مرتو وولادو... هو؟ قال لمرتو: "جيبيلي وليدي نلعب معاه شوية." قالتلو بكل برودة: "خلّيتو مع يمّاك، ما نحتاجوهش." 😳 قالها: "وااااش؟؟؟" قالتلو: "باش كي يكبر، يرميك فالصحراء كيما رميت أمك!" 💥 الكلمة جاتو كي الرصاصة! سكت وما قدرش يرد. 🔙 شدّ فرسو ورجع يجري للمكان وين خلّاوهم... خايف يكون فات الفوت، والسباع كل مرة تجي تبحث فهذ البلايص على الجيفة. وصل... وشاف مشهد يقطع القلب 💔 يمّو ضامّة الطفل لصدرها، ومخرجة راسو باش يتنفس... والذئاب دايرا بيهم تحوص تاكل الطفل، وهي ترميهم بالحجارة وتعيّط: "روحوا! هذا ولد فلان!"💢 بكى الراجل، قتل بعض الذئاب، وهربو الباقي... حمل يماه و وولدو، وبدا يقبّل في راسها ويبكي، وما قدرش يقول حتى كلمة من الندم اللي حاس بيه...ورجع بيهم لقومه. 🛑 من بعد هذيك النهار؟ ▪️ صارت يمّو أول وحدة يشدها فالرّحل ويحطها فوق الجمل ▪️ وهو يمشي وراها على فرسو ▪️ ولا يخلي عينيه ما تخرجش من عينها ▪️ وزادت مرتوه غلات عليه... لأنها هي اللي فتّحت عينيه وعلّمتو درس عمره ماينساه 🙏 ⚠️ العبرة: برّك بوالديك قبل ما يجي النهار اللي تندم فيه وما تلقاش كيف ترجع الوقت. راهم نعمة... واللي يرضى عليهم، ربي يرضى عليه. 💬شارك القصة مع صحابك، وقولنا واش حسيّت وانت تقراها... وشحال فينا يحتاج يسمع هذي الكلمات اليوم؟ #رضاك_يا_يمّا

(قصة لكل واحد مزعف من يماه ولا راهو قاسي معاها) في وقت وين كترت الدماء والهموم فبلادنا، راح شباب بريء ما ذنبهم غير أنهم كانو في الوقت والمكان الغلط... 🔻 هاذي قصة واحد من هاذ الشباب... اسمع وركز: كان أمير، شاب في عمر الزهور، دار مشكل صغير مع يماه. كانت زعفانة عليه بزاف، وهو حاب يراضيها... 🧒 قالها: "يمّا، واش طيبتي اليوم؟" 🧕 قالتلو وهي معصبة: "سم!" 😡 ضحك وقالها: "حتى السم من يدك راهو يجي بنين يما ❤️" قالتلّو: "روح من وجهي!" قالها: "غير ابسميلي يما 😞" قالتلّو: "ما نحبش نشوفك حتى تتربى وتحترمني!" قالها: "ماشي... أنا زعفان وما نفطرش معاكم اليوم" قالتلّو: "كول السم الهاري!" قالها: "ماشي..." وخرج باش يجيبلها حاجة يصالحها بيها، لأنه عارف يماه طيبة، وكلامها طالع من الغضب ماشي من القلب 💔 🕓 بعد ساعتين... قرب وقت الفطور قالت الأم لبنتها: "حضري الطابلة..." وقالت فبالها: "يا ربي، يمكن قسيت عليه بزاف، الله لا يعطيني العافية..." طبختلو الماكلة اللي يحبها، وقالتلهم: 🧕 "عيطولو، قولو يلحق يفطر، بس ما تقولوهاش باللي أنا اللي قلت، خليه يعتذر ويحس بقيمتي..." البنت دارت اتصال... 📞 لكن الخط خارج التغطية... قالت الأم: "الله يرجّعو سالم" 🍽 وصل وقت الأذان... و ما رجعش أمير. الأم ماقدرتش تفطر، قلبها مشغول وقالت: "أكيد راهو جوعان وهو صايم... الله لا يوفقني، خرج زعفان عليا 💔" فجأة... ⚠️ خبر عاجل فالتلفاز: تفجير في حي الرويبة! 👩‍🦰 قلب الأم طاح... تحبست النفس، ودقات القلب زادت. قالت لراجلها: "أميييير!!" 👨‍🦳 قال: "واش بيه أمير؟" قالتلو: "قلبي مو مرتاح، روّح شوف!" بعد 10 دقايق، جا اتصال: 📞 "نعتذر خويا... الله يتقبله من الشهداء... إن لله وإن إليه راجعون" الأم: "يكذبو! راهو يدخل دوقايق من الباب ويطلب السماح ويحضني!" راجلها راح يتأكد... وهي باقية فهذيان: "عيطلو! قولو يما راهي حضرت الماكلة اللي يحبها! ما نفطرش حتى يجي ويفطر معايا..." 📞 راجلها اتصل باكيا: "أمير استشهد..." 💔 انهارت الأم: "لا لااااااا! راهو قاللي اليوم صباح: زعفان وما نفطرش معاك... دير السماعة على ودنو، نحس بنفسو..." "يا وليدي، راني راضية عليك، ارجع، عيّطني، أغضبني كما تحب، بصح عِش يا روحي... ماشي تمشي وتخليني ندمانة..." 🚑 وصلت للمستشفى تجري، لقات راجلها غارق فالدموع، قاللها: "هاهو في هذيك الغرفة..." 🏃‍♀️ دخلت، شافت الشرشف الأبيض مغموس فالدم... صرخت: "علالاااش تغطوه بشرشف كيما هكا؟ هذا ولدي!" رفعت الشرشف، لقاتو ساكن... بلا حركة. 🗣 "حبيبي اصحى... شوف الماكلة اللي تحبها! جبتها معايا... ما تفطرش وحدي..." دخل الطبيب، وعطالهم سوار فضة عليه مكتوب: 💔 "رضاكِ همّي يا يمّا" 💔 انهارت الأم، ومسكاته، وهزاتو وقالت: "يعني ماراكش مسامحني؟ 😭" ⚠️ العبرة؟ ما تخليش آخر كلمة تقولها ليمّاك تكون فالغضب. قبل ما تخرج... سامح واطلب السماح. اللي راهم حيين اليوم، ممكن غدوة يغيبو. 💬بارطاجي هذي القصة لكل واحد راهو مزعف من يماه، ولا راهي زعفانة عليه... قولها "سامحيني"، قبل ما يفوت الوقت. #رضاك_يا_يمّا

💃 كيد النسا؟ الشيطان قالهم: أنا تلميذكم سيدتي 😳🔥 دايمًا نقولو: "كيد النسا عظيم"، ماشي غير هكا قالو الناس، ربي سبحانه قالها فكتابه! وكي تسمع القصة هذي، راح تفهم بلي المرأة، كي تحب تكيد، ما يوقفها لا شيطان لا جن، وتخلي إبليس يحوس يقرا عندها 😂 🔻 اسمع القصة وركز مليح: 👹 إبليس واحد النهار كان يحوس ويتفلسف، دخل فجدال مع امرأة وقاللها: "ما فهمتش! ناس الدنيا كامل يتكلمو على كيد النسا، ونساو بلي أنا إبليس، أستاذ فالكيد والمكر والخراب!" 👩‍🦰 ردتلو المرأة بكل ثقة وقالت: "حبستك! تشوف هذاك الراجل الخياط؟ تقدر توسوسلو باش يطلق مرتو؟" 👹 إبليس ضحك وقال: "ساهلة! نعفسها في دقيقة!" وراح إبليس يوسوس للخياط، من كل جهة ومن كل طريق... بصح الخياط كان يحب مرتو، وما زعزعوش الوسواس، حتى تعب إبليس ورجع خاسر! 👩‍🦰 المرأة قالتلو: "راقب برك واش رايحة ندير أنا!" 🌪 راحت للراجل وطلبت منو قطعة قماش، وقالتلو: "بغيتها هدية من ولدي لحبيبتو..." الخياط عطاها وحدة شابة ومميزة. ومن بعد... راحت المرأة لدار الخياط، دقات الباب، فتحت مرتو، قالتلها: 🗣 "نحب نصلي، نقدر ندخل؟" 👩 الزوجة قالت: "تفضلي أختي!" صلّت المرأة، ومن بعد خبات قطعة القماش ورا الباب ومشات. ⚡ كي رجع الخياط للدار، شاف القماش ورا الباب... صدم! تفكرها فورًا، وتفكر الهدرة تاع المرأة اللي قالتلو ولدها حاب يهديها لحبيبتو. 💔 شك فمرتو، وقال: "أكيد كانت هنا!" وطلقها مباشرة 💔 إبليس هنا فرح وقال: "والله غير كيد النساء عظيم!" 😅 بصح المرأة ما وقفتش هنا! قالتلو: "واش رأيك نرجّعها لذمتو دون ما يعرف حتى واش صرا؟" 👹 إبليس قال: "مستحيل! إلا إذا قلتيه بالحقيقة... وهذي خطيرة عليك!" قالتلو: "لاااا، ساهلة!" 🔁 رجعت للراجل ثاني نهار وقالتلو: "من فضلك، تقدر تعاود تعطيني نفس القماش؟ نسيتو البارح فدار امرأة مسكينة صليت عندها، وحرجت نرجع نطلبو منها 😔" ⚡ الخياط سكت لحظة، وربط الخيوط...وفهم كلش! فهم بلي مرتو مظلومة، ورجعها فورًا 😭❤️ وهنا إبليس هبط راسو وقال:🤯"أنا تلميذك سيدتي 😩🎓" -⚠️ العبرة؟ ماشي غير "كيد النسا عظيم"... كيدهن فني راقي، إبليس مازال يقرى فيه 😂 💬 واش رايكم في هاذ التحفوووونة؟ كيد ولا فن؟ بارطاجيها مع صحابك وخليهم يشوفو الكيد كفاه 🎬👇

💥 كيد الرجال.. ماشي غير النسا اللي تكيد 💥ديما نقولو "كيد النسا عظيم"، بصح رانا ننسو بلي كاين رجال ماشي ساهلين، يخدموها بالهدرة والمكر والتمثيل! 🔻 القاضي يحكي ويقول: تزوجت مرة ثانية خفية على مرتي الأولى، ومارانيش قايلها والو... بصح هي فطنت! بدات تشك، كل مرة تفتح معايا الموضوع، نكذب عليها ونقوللها: 🔊 "راه غير الشيطان اللي يلعبلك فراسك!" ومع الوقت، بدات تبكي وتشكي، وأنا نكذّب ونقسم ونعيش الدور... حتى قررت أنا ومرتي الثانية نديرو خطّة باش نقنع الأولى وتحبس تشك. 🔸 وش دارو؟ جاءت الثانية للدار وقت صلاة الظهر، وقالت للأولى: 💬 "جاية نشوف الشيخ نستشيرو فحاجة". قالتلها الأولى: 🔁 "استنايه، راهو رايح يصلي ويرجع". رجعت أنا من الصلاة، دخلت للصالون مع الأولى، وبدات الثانية "تمثّل" قدامي: 🎭 "أنا عندي راجلي نحبو ويحبني، بصح وليت نشك فيه راهو تزوج عليّا، وهو يقولي راه غير تخمام وشيطان..." نا هنا لبست دور الشيخ! وقلتلها: 🗣 "يا بنتي، راه غير وسوسة، والشيطان ما يخليش دار تهنا، شوفي مرتي الأولى! راهي مسكينة حتى هي الشك عشش فراسها، وأنا كل مرة نثبتلها ونقسم، بصح الشيطان يرجعلها بالهوس". وهنا قلت قدامهم كامل: 🚨 "إذا كنت مزوّج مرا خارج هاذ الغرفة... راهي طالق!" 🔁 مرتي الأولى نهارت! طاحت تبكي، وتبوسلي ركابي وتقول: 😭 "سامحني! الشيطان دارها فيا، والله ما نزيد نشك فيك يا راجلي العزيز". ⚠️ العبرة: ماشي غير النساء اللي عندهم الكيد، كاين رجال يخدموها بنية وشوية تمثيل، يخلوك تشك في روحك انت 😅 📌 كيد الرجال؟ راهو فن بحد ذاتو 💬 واش رايكم فالقصة؟ اكتبلنا في التعليقات، وبارطاجيها مع صحابك يضحكو شوية 😂👇

الوصايا الثلاثة للسلطان كان هناك سلطان في زمان ما وقد حضرته الوفاة ،فأستدعى قائد جيوشه يوصيه بثلاث وصايا قائلا : ●الوصيه الاولى : ان لايحمل نعشي عندالدفن إلا أطبائي ولا احد غيرهم . ●الوصية الثانية : ان ينثر في طريقي مكان موتي حتى المقبرة قطع الذهب والفضة وأحجاري الكريمة التي جمعتها طيلة حياتي ●الوصية الاخيرة: عندما ترفعونني في النعش أخرجوا يدي من الكفن وأبسطوهما خارجه . قال له القائد : ستنفذ وصاياك لكن ما المغزى من ذلك ؟؟ رد عليه : اريد ان اعطي العالم درسا لم افقهه إلا الآن !! .. أما الاولى: فأردت ان يعرف الناس ان الموت إذا حضر لم ينفع في رده حتى الاطباء الذين نهرع اليهم إذا اصابنا مكروه وأن الصحة والعمر نعمتان لايمنحهما أحد من البشر أما الثانية: ان يعلم الناس إن أي وقت قضيناه في جمع المال ، ليس إلا هباء منثورا ، واننا لن نأخذ معنا حتى فتات الذهب ، ...أما الثالثة: فليعلم الناس اننا قدمنا إلى هذه الدنيا فارغي الايدي وسنخرج منها كذلك...